أسرة الصفوة بكلية الآداب جامعة الفيوم

منتديات الصفوة لطلاب اداب الفيوم الصفوة


    شخص باااااااااااااااااااااارد اخر حاجة

    شاطر

    سمورة
    عضو فعال
    عضو فعال

    عدد المساهمات : 36
    نقاط : 68
    تاريخ التسجيل : 01/02/2010
    العمر : 25

    شخص باااااااااااااااااااااارد اخر حاجة

    مُساهمة  سمورة في الإثنين فبراير 08, 2010 2:30 am

    .. ارجو قرائتها للاخر ..


    هو و هى مشيين على الكورنيش .. الجو حار .. الشمس محرقة


    هي : عطشانة

    هو : و أنا كمان

    هي : يعنى ... عايزة أشرب

    هو : أكيد مادام عطشانة يبقى عايزة تشربي

    هي : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة

    هو : ومين اللي هيحاسب ؟؟

    هي : أنت طبعاً

    هو : منين ياحسرة .. ماأنتى عارفة الكانز وغطاه

    هي : ماقلتش عايزة كانز .. كفاية إزازة صاروخ

    هو : طب لو هاتجيبى اعزمينى معاكى .

    هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

    هو : عندك الكورنيش كله .. اختاري الرصيف اللي يعجبك

    هي : قصدي تعزمنى فى مكان شاعرى

    هو : في الحر ده .. ماينفعش

    هي : بلاش دى .. نأخد مركب على الكورنيش

    هو : المراكب بتغرق اليومين دول .. خلينا ع البر أحسن

    هي : بلاش المركب تعالى نأكل ترمس .. أظن ده رخيص

    هو : إنتى تضمني منين إن الراجل غاسل إيده و غاسل الترمس

    هي : أعوذ بالله .. إنت مقفلها كده ليه ؟؟

    هو : بصراحة معييش فلوس

    هي : يا سلام !! .. ماأنت كان معاك إمبارح

    هو : إمبارح دخلت السينما مع بنت حلوة كدا فالفلوس خلصت

    هي : بنت حلوة ؟؟!! وبتقولها فى وشى

    هو : أكذب عليكى يعنى

    هي : لأ .. تحرق دمى أحسن

    هو : أنا مش شامم ريحة شياط يعنى

    هي : يخرب بيت البرود

    هو : برود إيه ؟؟ ماهو الجو مولع أهو

    هي : إنت اللى بارد

    هو : بارد إزاى ؟؟ دا أنا بشُر عرق

    هي : بقولك إيه .. روحنى

    هو : أروحك ؟! هو إنتى ماتعرفيش تروحي لوحدك

    هي : آآآآه .. طب أنا ماشية

    هو : ليه يا حبيبتى ؟؟

    هي : حبك برص

    هو : والله البرص بيفهم عشان حبنى

    هي : بجد كدا كتير

    هو : كتير إيه ؟؟

    هي : إرحمنى .. واضح إن الحر بيجى معاك بالعكس .. يا بارد

    هو : يعنى مصممة تمشى ؟؟

    هي : أيوة و حالاً كمان

    هو : طب استني لما نوصل آخر الشارع

    هي : اشمعنى ؟؟

    هو : أصل أنا ساكن هناك .. و مايرضكيش أروح لوحدى

    هي : لااااااااااااااااااااااا دا انا ارمي نفسي في الميه احسن

    هو : ينفع كده ترمي نفسك فى المية مين هايوصلني بقى
    avatar
    بنت الفيوم
    عضو برونزى
    عضو برونزى

    عدد المساهمات : 142
    نقاط : 199
    تاريخ التسجيل : 27/01/2010
    العمر : 26

    رد: شخص باااااااااااااااااااااارد اخر حاجة

    مُساهمة  بنت الفيوم في الإثنين فبراير 08, 2010 2:36 am

    الله يعمر بيتك يا سمر


    وهى اصلا ايه اللى يخرجها معاه
    تستاهل
    هههههههههههههههه

    سمورة
    عضو فعال
    عضو فعال

    عدد المساهمات : 36
    نقاط : 68
    تاريخ التسجيل : 01/02/2010
    العمر : 25

    رد: شخص باااااااااااااااااااااارد اخر حاجة

    مُساهمة  سمورة في الإثنين فبراير 08, 2010 3:00 am

    ههههههههههههههههههههههههههه نصبها بقا نعمل ايه

      الوقت/التاريخ الآن هو السبت نوفمبر 18, 2017 7:55 pm